| pregunta | respuesta |
|---|---|
|
KONTRATUAREN BALIZKO ETENALDIA OBRENGATIK: alokairuan bizi naiz altzaridun etxebizitza batean eta jabeak esan dit obrak egin behar dituela eta etxebizitza denboraldi batez utzi dezadala behar duela, baina bermatzen didala gero itzuli ahal izango naizela. Hori exijitu al diezadake? Ez al da azpijoko bat izango ni kaleratzeko? |
Errentan dagoen etxebizitzan kontserbazio-obrak edo agintaritza eskudunak erabakitako obrak egiteak etxebizitza biziezin bihurtzen badute, errentariak kontratua eteteko edo atzera egiteko aukera izango du, baina inolako kalte-ordainik gabe. Kontratua eteteak ekarriko du, obrak amaitu arte, kontratuko epea geldiaraztea eta errenta ordaintzeko betebeharra etetea. Eta beraz, obrak amaitu ondoren, itzultzeko eskubide osoa izango zenuke. |
|
ETENALDIAREN DENBORA ZENBATZEA: bizi naizen etxean badirudi urtebete iraungo duten obrak hasiko direla, baina niri oraindik kontratuan bi urte geratzen zaizkit. Obrengatik alde egiten badut eta kontratua eten egiten bada, denbora hori zenbatu egiten da eta geratzen zaidan epetik deskontatzen da? |
Errentamendua eteten denean, etenduraren unean zegoen puntuan izoztuta geratzen da eta etendura amaitzen denean berriro aktibatzen da. Beraz, kontratua etenda dagoen aldia ez da zenbatzen, eta kasu honetan, kontratuak bere indarraldia berriro abian jartzen duenean, oraindik bi urte geratuko zaizkio. |
|
KALTE-ORDAINERAKO ESKUBIDEA ETENDURA BATENGATIK?: badirudi laster obra luzeak hasiko direla maizter bizi naizen etxean, oso zaharra delako eta erreforma sakona egin behar delako. Beraz, jabeak esan dit ezin dudala jarraitu bertan bizitzen denbora jakin batean. Ba al dut eskubiderik kalte-ordainen bat jasotzeko, lekualdaketa bat egin eta bitartean beste etxebizitza bat alokatu beharko dudalako? |
Errentan dagoen etxebizitzan kontserbazio-obrak edo agintaritza eskudunak erabakitako obrak egiteak etxebizitza biziezin bihurtzen badute, errentariak kontratua eteteko edo atzera egiteko aukera izango du, baina inolako kalte-ordainik gabe. |
|
OBREN ORDAINKETA NAHITAEZ KONPARTITU BEHARRA?: jabeak exijitu al diezadake obren kostu osoa edo zati bat ordaintzea etxebizitzan berriro sartzeko eta alokairu-kontratua berriro hasteko? |
Ez, etxera itzultzea eta alokairu-kontratuaren indarraldia berriro hastea maizterrak duen eskubide bat da. |