| pregunta | respuesta |
|---|---|
|
PRESIDENTEORDEA HAUTATZEA. Nola hautatzen da eta zeintzuk dira presidenteordearen erantzukizunak? |
Presidenteorde kargua hautazkoa da, eta Jabeen Batzordeak kargu hori egotea erabakitzen badu, presidentearen modu berean hautatuko da (hauteskunde bidez, txandaka edo zozketa bidez). Presidenteordearen zeregina presidentea ordezkatzea da, hura agertzen ez denean, halakorik ez dagoenean edo agertu ezin denean, eta, era berean, presidenteari lagundu beharko dio, Jabeen Batzordeak ezartzen dituen baldintzen arabera. |
|
PRESIDENTEORDETZA ONARTZEKO BETEBEHARRA? Azken Batzarrean txandakatzearen arabera presidenteordea izan behar dudala erabaki zen, baina denbora libre oso gutxi daukat eta nire karguari uko egin nahiko nioke, baina Batzordeko gainerako kideek esan didate kargua nahitaez onartu behar dudala. Hori egia da? |
Ez, ez da egia. Presidentearen kasuan ez bezala, presidenteordearen kasuan, jabeak ez du nahitaez kargua onartu behar. Hala ere, Erkidegoaren martxa onarentzat, komenigarria da etxepeko guztiek esleitzen zaizkien erantzukizun guztiak onartzea, izan ere, onartzen ez badituzte, denek aitzakiaren bat aurkitu ahalko dute kasu bakoitzean dagokien zeregina ez betetzeko. Dena den, presidenteordearen lana benetan ezin duzula bete uste baduzu, presidenteari Ezohiko Batzar bat deitzeko eskatzea eta gaia denen artean aztertzea gomendatzen dizugu, denek zure egoera ikusi eta itundutako konponbide bat aurkitzeko. |
|
KARGU GUZTIAK IZENDATU BEHAR DIRA? Beharrezkoa da hiru etxepeko desberdin izendatzea presidente, presidenteorde eta idazkari karguetarako? |
Ez. Jabeen Erkidegoak nahitaez izan behar duen kargu bakarra presidentearena da, hori gabe Erkidegoa bururik gabe geratuko bailitzateke. Hortaz, bidezkotzat hartzen baduzue, pertsona bakar bat nahikoa izango litzateke presidentearen zereginekin batera idazkari, administratzaile eta presidenteorde karguetatik ondorioztatutako zereginak betetzeko. |