| pregunta | respuesta |
|---|---|
|
BILTZEKO BETEBEHARRA. Noiz bildu behar da Jabekideen Batzordea? Urtean behin gutxienez? |
Bai, halaxe da. Jabekideen Batzordea urtean behin bildu beharko da gutxienez, Erkidegoaren aurrekontuak eta kontuak onartzeko, era berean, batzordea bildu egingo da presidenteak bidezkotzat jotzen duenean, edo jabeen laurden batek edo partaidetza-kuoten % 25 osatzen duten jabeen kopuru batek eskatzen duenean. |
|
NORK DEITUKO DU? Jabeen erdiak baino gehiagok Ezohiko Batzar bat deitu nahi dugu, baina presidentea horren aurka dago. Administratzailea behar dezakegu batzarra deitzeko? |
Zalantzarik gabe. Idazkaria zein administratzailea Erkidegoaren kargu laguntzaileak dira eta ez presidentearenak, eta, beraz, Jabetza Horizontalaren Legean finkatutako arauak nahitaez bete behar dituzte, hala nola jabeei laguntzea Batzarra deitzeko, presidentea ados dagoen ala ez kontuan hartu gabe, 1 artikuluan adierazten denarekin bat etorriz. |
|
NOLA ESKUORDETU BOTOA BESTE PERTSONA BATI? Oso zaharra naiz eta ez nago bileretara joateko egoera onean, eta, beraz, nire alaba Jabeen Batzarrera joan da nire izenean. Hala ere, nire botoaren eskuordetzea idazki bidez eraman ez duenez, ez diote botoa ematen utzi. Nire alaba dela denek dakiten arren, hori egiteko eskubidea dute? |
Eskubide osoa dute, legearen arabera ordezkaritza jabeak sinatutako idazki baten bitartez egiaztatu behar delako. Eskuordetu ahal izateko idazki hori normalean bileraren deialdian bertan gaineratuko da. Hala ere, egia da kasu batzuetan etxepekoen artean konfiantza-giroa dagoela eta ez dela formalki eskatzen idazkia aurkeztea, baina edozein etxepekok eskubidea du ziurtagiri hori eskatzeko. |
|
ADMINISTRATZAILEAK ETXEPEKOREN BAT ORDEZKA DEZAKE? Nire Erkidegoaren administratzaileak, jabe ez den arren, Batzar askotan parte hartzen du jaberen bat ordezkatuz. Horretarako eskudantziak baditu? |
Zalantzarik gabe egin dezake, betiere ordezkaritza idazki bidez behar bezala egiaztatzen bada, izan ere, Jabetza Horizontalaren Legeak ez du ezartzen jabeak bere ordezkaritza nahitaez beste jabe bati eman behar dionik, aldiz, Erkidegotik kanpoko edozeinen alde egin dezake, eta, logikoa denez, horien artean administratzailea dago. |
|
BERANKORREI BOTO ESKUBIDEA KENTZEA. Batzarren deialdian berankor gisa azaltzen diren eta beren zorrak bileraren bezperan ordaintzen dituzten hainbat etxepeko ditugu. Ez al da beranduegi haiek boto-eskubidea berreskuratzeko? |
Ez, ez da beranduegi, betiere jabe horiek justifikatzen badute benetan zorrak ordaindu dituztela. Izan ere, zure galderan azaldu duzunez, oso ohikoa da Batzarraren deialdian berankor gisa azaltzen diren jabeen egoera aldatzea bileraren egunerako, eta, beraz, etxepeko bat berankorra den ala ez finkatzeko unea bileraren hasiera izan beharko da. Era horretan, euren zorrak ordaindu dituztenek boto-eskubidea baliatu ahalko dute, gainerako jabeek bezala, eta Erkidegoari oraindik dirua zor diotenek ahotsa izango dute, baina ez botoa. |