Gutxieneko epea:

Lehendik adierazi dugu etxebizitzaren errentamendu-kontratuak errentatzaileak eta errentariak libreki adosten duten iraupena izan dezakeela, baina kontratuek beren iraupenari dagokionez erabat desberdinak diren hiru aukera barne har ditzakete.

Beraz, hainbat kontratu aurki ditzakegu::

• Epe jakin bat definituta ez dutenak. Kasu horretan ulertzen da kontratuak urtebeteko iraupena duela, eta horri urteroko luzamenduak batu ahal izango zaizkiola bost urtera iritsi arte; errentatzaileak luzamendu horiek nahitaez onartu beharko ditu. Izan ere, maizterrak hori nahi badu behintzat, beti bermatuta izango du bost urteko gutxieneko epea.
• Hasierako epe bat definituta dutenak, urtebete eta bost urte bitartean.

Egoera horren aurrean::

• 5 urteko edo gehiagoko hasierako epea dutenak .

Kasu horietan, errentariak kontratuari uko egin ahal izango dio, bi hilabeteko aurreabisu baten bitartez, betiere errentamenduak gutxienez bost urte iraun baditu. Hala eta guztiz ere, jabeak kalte-ordain bat jasotzeko jarritako demanda bat ere jaso dezake.

Hala eta guztiz ere, komeni da azpimarratzea adierazi ditugun kasu guztietan itundu den iraupena nahitaez errespetatu behar dutela errentatzaileak nahiz errentariak.

Horrek esan nahi du kontratuaren luzamendua maizterraren borondatearen arabera dagoen arren, maizterrak ezin duela libreki atzera egin kontratuan ezarritako epean zehar edo luzamenduak barne hartzen duen urtebeteko epean zehar.

Horren ondorioz, esate baterako hiru urteko iraupena itundu bada, errentariak ezin du errentamendua amaitutzat eman hiru urteak igaro arte, errentatzailearen baimenarekin ez bada behintzat.

Horregatik, maizterrak ez badu argi zein errentamendu-epe konprometitzea interesatzen zaion, berarentzat onena da urteko epeka ituntzen joatea, eta horrela urtero erabaki ahal izango du errentamenduarekin jarraitzen duen ala ez, jakitun izanik luzamenduak bost urteko gutxieneko eperaino bermatuta edukiko dituela beti.

Maizterrarentzat beste aukera egoki bat izango da kontratuan bost urteko epea ituntzea eta errentatzaileak bost urte horietan edo itundutako epean zehar kontratuan atzera egiteko eskubidea ematea eta etxebizitza utzi ahal izatea, errenta ordaintzen jarraitu behar gabe, esate baterako bi edo hiru hilabeteko zentzuzko denborarekin aurreabisu bat egiten baldin badio.

Errentatzailea bost urteko gutxieneko epea bermatu beharretik aske geratuko da soilik, errentamendu-kontratua sinatzeko unean hori jasota uzten badu eta bera baldin bada aipatutako bost urteak amaitu baino lehen etxebizitza okupatu behar duena.

Horrek aukera emango dio, behin aurreikusitako data iritsi ondoren, maizterrari etxebizitza utzi dezala exijitzeko epea bete delako, baina kontratua amaitzeko eta etxebizitza libre uzteko adierazitako datatik hiru hilabete igaro ondoren errentatzaileak ez badu okupatzen, maizterrak eskubidea izango du bi aukera hauetako bat hautatzeko: