b) Errentatzailearen aldetik:
ESKUBIDEAK:
Etxebizitzaren errentatzaileak, bestalde, honako hauek egiteko eskubidea izango du:
-
Kontratuan adostutako ordainketak (fidantza, errenta, eta abar) egunean jasotzeko
-
Maizterraren informazioa jasotzeko eta ados ote dagoen kontsultatua izateko maizterrak jardun jakin batzuk egin nahi dituenean, hala nola: obrak, etxebizitza lagatzea edo azpierrentan ematea, eta abar.
-
Etxebizitza eta ekipamenduak kontratuaren hasieran ziztuzten antzeko baldintzetan jasotzea eta maizterrak bere kabuz egiten dituen hobekuntza-obrez gozatzeko.
-
Fidantza egon daitezkeen ez-betetzeak edo kalteak (etxebizitzaren edo bere ekipamenduen narriadura, errentak ez ordaintzea, eta abar) konpentsatzeko erabiltzeko.
-
Maizterrari hasiera batean aurreikusitako alokairu-epea errespeta eta bete dezala eskatzeko.
-
Behar izanez gero kontratua hutsaltzeko, maizterrak ez-betetze larriak (ez ordaintzeak; etxebizitzaren erabileraren destinoa aldatzea; aldez aurreko baimenik gabe azpierrentan jartzea edo lagatzea, eta abar) egiten baditu
-
Etxebizitza bost urte bete baino lehen bere erabilera partikularrerako berreskuratzeko, kontratuan hasiera batean hori adierazi baldin bazen.
-
Eta abar.
BETEBEHARRAK:
Errentatzaileak bete beharko dituen betebehar ohikoenak honako hauek izango dira:
-
Etxebizitza hitzartutako egunean eta bizigarritasun- eta ekipamendu-baldintzetan entregatzea, adostutako erabilerarako baliagarria izan dadin.
-
Errentamenduaren hasiera-data baino lehenago etxebizitzak izan zitzakeen ezkutuko akatsen ondorioz errentariak jasan ditzakeen kalte edo galeren erantzule izatea.
-
Baldintza berdinetan mantentzea, beharrezkoak diren konponketak eta mantentzeak eginez, baldin eta narriadurak edo matxurak ez badira maizterraren erabilera desegokiaren ondorio.
-
Jabeen Erkidegotik eratortzen diren betebeharrak betetzea eta gainerako gastu orokorrak ordaintzea
-
Maizterrari legez aurreikusitako jakinarazpenak bidaltzea eta kasu bakoitzean dagozkion ordainagiriak edo frogagiriak entregatzea.
-
Maizterraren intimitatea errespetatzea eta haren baimenik gabe etxebizitzan ez sartzea.
-
Kontratuaren adostutako iraupena errespetatzea eta maizterrari egon daitezkeen lehentasunez erosteko eta atzera eskuratzeko eskubideak, subrogazioak eta abar egikaritzeko aukera ematea.
-
Eta abar.
|