a) Maizterraren aldetik:

ESKUBIDEAK:

Errentamendu-kontratu batean, normalki, maizterra babesten duten eskubideek aukera ematen diote honako hau egiteko:

• Etxebizitzak hasieratik beharrezko bizigarritasun-baldintzak bete ditzala eta horiek kontratu osoan zehar manten daitezela eskatzeko, eta egin beharreko mantentze-obrak edo konponketak errentatzaileak bere gain hartu beharko ditu.
• Bere etxebizitzaren barnean intimitatea izateko, eta jabea ezingo da bertan sartu maizterrak ez badio aldez aurretik baimenik ematen.
• Etxebizitzan bidezkotzat jotzen dituen obrak egiteko, betiere jabearen baimena baldin badu.
• Etxebizitza beste pertsona bati lagatzeko edo azpierrentan emateko, prozedura horietan bete beharreko jarraibideak errespetatzen baditu.
• Egiten duen diru-entrega bakoitzarengatik, fidantza barne, frogagiriri gisa ordainagiri bat eskatzeko.
• Kontratuaren bost urteko gutxieneko epea agortzeko, hala erabakitzen badu.
• Kontratuaren etenaldia eta subrogazioa eskatu ahal izateko legez aurreikusita dauden kasuetan.
• Errentatzailearen aldetik legez dagozkion komunikazioak eta jakinarazpenak jasotzeko.
• Lehentasunez erosteko eta atzera eskuratzeko eskubidea egikaritzea, jabeak alokatutako etxebizitza saltzea erabakitzen duenean.
• Eta abar.

BETEBEHARRAK:

Eskubide horien ordain gisa, maizterrak honako betebehar hauek bete beharko ditu:

• Konprometitu den ordainketak (hasierako fidantza; hileroko errenta; erabiltzen dituen zerbitzuen kontsumo indibidualak, eta abar) egunean egitea
• Etxebizitza eta bertan dauden ekipamendu guztiak hasieran jaso zituen egoera berdinean mantentzea, horien erabilera iraunkorrak eskatzen dituen konponketa eta mantentze txikiak eginez.
• Etxebizitza kontserbatzeko edo hobetzeko beharrezkoak diren eta kontratuaren amaiera arte geroratu ezin daitezkeen obrak egiten uztea.
• Erkidegoaren arauak errespetatzea eta gainerako bizilagunekin ongi jokatzea.
• Etxebizitza ez destinatzea kontratuan aurreikusita daudenak ez diren jardueretara.
• Errentatzaileari kasu bakoitzean bidezko diren baimenak eskatzea.
• Adostu den errentamendu-epea errespetatzea
• Eta abar.