Azken eguneratzea: 2011/05/25
Compact Habit-ek, eraikuntza modular integral industrializatuan espezializatuta dagoen enpresak, 67 etxebizitzatako ikasleen egoitza bat egin du Manresan
Azken hilabeteetan, Compact Habit-ek ikasleen egoitzekin erlazionatuta egiten duen hirugarren eraikina da: UdG-ren Montilivi-ko campusa, Gironan, eta UPCren Vallés-eko Arkitekturako Goi Eskola Teknikoa, Sant Cugat del Vallès-en, egin ditu aurretik.
Ekipamendu honetarako guztizko inbertsioa 5,5 milioi eurokoa da. Etxebizitzak udal-administrazioaren emakidaren erregimenean eraikitzen dira, hortaz, enpresa emakidaduna den Compact Visoren-ek egiten du beharrezkoa den inbertsioa eta hiriari ekipamendu publikoa gehitzen dio; horren truke, alokairuak 37 urtez ustiatzeko eskubidea bereganatzen du.
Ikasleen egoitzetan aplikatzeaz gain, Reusen ekipamendu soziosanitario batean erabili da sistema hau, arrakasta lortuz, eta Banyolesen ere erabili da. Azken kasu horretan, gazteentzako babes ofizialeko etxebizitza berrien bloke bat eraiki da, Incasol-ek sustatua.
Eraikalen Compact Habit-i buruzko hainbat berri argitaratu dira:
- 2011ko martxoan: Eraikinen eraikuntza industrializatzeko Compact Habit-en ekoizpen-fabrika inauguratu da .
- 2010eko urrian: Compact Habit-ek Gironan eraikitako unibertsitate-etxebizitzak Europako GreenBuilding programaren barruan sartu dituzte .
- 2010eko uztailean: Compact Habit-ek hiru egunetan etxebizitza-eraikin bat egin du sistema modular batekin ; Banyoleseko (Girona) proiektuari dagokionez, babes ofizialeko 30 etxebizitzen eraikin bat da eta Institut Català del Sòl –INCASOLek sustatu du.
- 2010eko uztailean: Compact Habit-ek irabazi du “Cataluña Construcción” saria .
- 2010eko ekainean: Compact Habit-ek irabazi du "FEM INDÚSTRIA" (industria egiten dugu) saria .
Iturria: Construible , 2011/05/25